Со оглед на тоа што повторно доаѓа периодот за исллата на Бонус платата и повторно тие што највеќе ја заслужиле нема да ја добијат мораме да го појасниме следното:
Независниот синдикат на полицијата направи се што е во негова надлежност да ја исправи оваа неправда која на колегите им се нанесе со потпишувањето на последниот Колективен договор од страна на МВР и МПС, а со кои часовите од прекувремената работа задолжително се заменуваат со слободни денови и се сметаат за отуство од работа. Оние што со години ги распродаваат правата на полицајците денес повторно се обидуваат да ги замајуваат со некакви пусулчиња и молби за решенија преку дијалог на проблемот што самите свесно го создадоа и можеа досега да го решат на истиот начин на кој неколку пати шверцерски го менуваа Колективниот во последните неколку месеци.
Она што секој колега треба да го знае е тоа дека НСП поднесе Иницијатива за оценување на законитоста и уставноста на овие одредби, за што на 20.11.2024 година, Уставниот суд донесе Решение со кое не се поведува постапка со образложение дека Колективниот договор потпишан од МПС и МВР е всушност СОГЛАСНОСТ на вработените застапувани преку Македонскиот полициски синдикат на едно вакво нормативно решение.
Токму поради ова е важно членувањето во синдикат, но не во било кој. Синдикатот е тој што ја претставува нашата волја безразлика дали во него членуваме или не, а се додека не се спротиставиме и не бидеме побројни, ваквите штетни синдикати и предавници на родот свој ќе ни ги намалуваат правата и ние ќе бидеме согласни на тоа, односно соучесници.
