Во рамки на меѓународната конференција во Битола, беше одржан состанок на Балканската полициска унија на кој беше направена тримесечна анализа на активностите и потпишан акт за поддршка на НСП – Црна Гора, во поглед на барањето за надминување на критичната состојба во која се наоѓа црногорската полиција, а кој ќе биде доставен до Владата на Р. Црна Гора и Министерството за внатрешни работи.
Синдикалните картици од поединечните синдикати скоро на сите членови на унијата веќе се во завршна фаза на промена и поделба така што повеќе не постојат синдикални граници во регионот. Усвоено е официјалното знаме на унијата во бела и сина боја кое во иднина ќе биде користено при поддршка на унијата во полициски протести на поединечните синдикати. Усвоен е план за проширување на унијата кон останатите земји од регионот, односно Албанија, Грција, Романија и Хрватска.
Балканската полициска унија секојдневно расте, а со неа и сите поединечни синдикати кои се со јасна цел да бидат гласот на полицијата кој ќе одекне регионално!
